“Mən muğam sinfini bitirmişəm. Böyük sənətkarlarımız Səlim Ağayarovdan, İslam Rzayevdən təhsil alıb, Arif Babayevin dərslərində iştirak etmişəm. Hal-hazırda Soltan Hacıbəyov adına musiqi kollecində dərs deyirəm. 25 ildir ki, orada işləyirəm. O vaxt xalq artisti Mələkxanım Əyyubova “İrs” ansamblı ilə, mən isə “Telli” ansamblı ilə birlikdə oxuyurdum. O vaxt toya gedirdik, muğam oxuyanda bəylə gəlin sifətlərini turşudub, narazılıq edirdilər. Sonra başladım özüm üçün mahnılar yazdırmağa. Şükür Allaha bütün mahnılarım sevilir. Muğamı da bilirəm, digər mahnıları da. Toyda bəylə gəlin üçün öncə muğam oxuyuram, sonra digər mahnılara keçid edirəm”
Bunu Moderator.az-a açıqlamasında tanınmış müğənni Mənzurə Musayeva deyib. O daha sonra əlavə edib.
“Toya gedirsənsə toy mahnıları olmalıdır da. Camaat oynamağa, şənlənməyə gəlib. Uzaq başı 1, 2 lirik mahnı oxuya bilərsən. Ondan sonra camaat axı rəqs etmək istəyir. Mahnılarımı toylarda bütün müğənnilər oxuyur. İcazə alıb oxuyanlar, hətta popurilərinə salanlar da olub. Demək olar ki, “Davulçu” mahnımı oxumayan müğənni qalmayıb. Mənim hamısı ilə münasibətim yaxşıdır. Pis də oxumurlar. Əlbəttə ki, mahnı onun ilk müəllifinin ifasında sevilir” deyə o bildirib.
Müğənni bu gün “Rəngarəng” verilişində yaşanan anlaşılmazlığa da aydınlıq gətirib.
“Yoldaşım efirə qoşularaq deyir ki, guya məni tanımır. Deyir deyir də. Burada nə var ki? Hamı bilir ki, o mənim zakslı, kəbinli həyat yoldaşım olub. Nə var, nə var mən onun haqqında demişəm ki, yoldaşım indi də dalımca mələyir. Bu söz onun acığına gəlib. Məndən həmin sözün acığını çıxır. Hər bir tək qadın sevib, sevilmək istəyir. Həyat sevgidir. Sevgisiz yaşamaq olmur. Sevmək lazımdır” deyə müğənni bildirib.
Qeyd edək ki, bu gün “Rəngarəng” verilişinə telefonla zəng edən müğənninin keçmiş həyat yoldaşı bunları deyib.
“Özünü mənimlə reklam edir. Biz evli olmamışıq. Oxuya bilirsən oxu. Oxuya bilmirsənsə mənim adımı niyə çəkirsən? Nikahımız da olmayıb” deyə bildirib. Mənzurə Musayeva isə cavabında onun dediklərini yalanlayaraq, keçmiş ərinin fotosunu aparıcıya verərək, efirdə nümayiş etdirməsini xahiş edib. Daha sonra isə müğənni “7 il ailəli olmuşuq, heç olmasa o illərə hörmət et” deyə bildirib.